"Манчестер Юнайтед"нинг собиқ ҳужумчиси Димитар Бербатов Дортмунднинг "Боруссия"сига қайтган Жейдон Санчонинг илк ўйинлари ҳақида фикр билдирди.

"Боруссия"га қайтганидан бери Санчо иккита ўйинда иккита голли узатмани амалга оширди. Бу эски клубингизга қайтишнинг ажойиб усули. Футбол баъзида шундай ишлайди: бир чемпионатда чиндан ҳам яхши бўлиш мумкин, бошқа давлатда эса бу иш бермаслиги мумкин. Дортмундга қайтиш Санчо учун яхши қадам. У таниш муҳитга қайтди, у ерда унинг эски дўстлари бор”, — дейди Бербатов.

Эслатиб ўтамиз, "Манчестер Юнайтед" Санчонинг ижарасига қайтариб сотиб олиш вариантини киритмаган. Раҳбарият футболчининг келажаги ҳақида мавсум охирида қарор қабул қилади.