Европа Суперлигаси ўзининг илк турнирини бошлашга бир қадам қолди. Бу ҳақда лойиҳа бош котиби Анас Лаграри гапирди.
"50 га яқин клуб билан гаплашдик. Уларнинг 20 га яқини лойиҳадан жуда ва жуда мотивацияланган. Бизда мусобақани бошлаш учун етарлича клублар мавжуд. Клублар номини айтмоқчи эмасман. Нега? Чунки уларни ҳозирча фош қилмоқчи эмасман", - дея Лаграри сўзларини келтиради Madrid Xtra.
Эслатиб ўтамиз, аввалроқ биринчи Суперлига старти 2025 йилнинг ёзида бўлиши кераклиги ҳақида хабар берилганди. Лойиҳа асосчиси "Реал Мадрид" президенти Флорентино Перес бўлиб, унинг сўзларига кўра, мухлисларнинг футболга бўлган қизиқишини қайтаришни истамоқда.