Хавьер Тебас Флорентино Перес билан келишмовчиликлари ҳақида гапирди.

Ла Лига раҳбари "Реал Мадрид" президентининг Европа Суперлигасини ташкил этиш истаги ҳақида ўз фикри билан ўртоқлашди.

"Кимдир сизнинг уйингизга бостириб кирмоқчи бўлса, сизни ўғирламоқчи бўлган одам билан музокара олиб боролмайсиз. Флорентино Переснинг мақсади - йирик клублар, энг катта активларга эга энг бой клублар Европада футболни бошқара олиши. Қолганлари эса ўзларига берилган нарсадан хурсанд бўлишлари керак бўлган вассаллардир.

Флорентино ва мен ўртасидаги туб фарқлар миллий ва Европа даражасидаги профессионал футболнинг мутлақо қарама-қарши моделларидир. Бу ерда ҳеч қандай муроса йўқ: ҳамма нарса қора ёки оқ. Бу ерда кулранг йўқ", - деди Тебас.