«Ан-Наср» - «Локомотив» ўйин олди матбуот анжуманининг иккинчи қисми«Ан-Наср» клуби бош мураббийи Вальтер Дзенга ва жамоа ҳимоячиси Маҳмуд Дарвиш иштироки билан давом этди.

— «Локомотив» клуби хақида қандай фикрдасиз?
— Ҳеч қандай фикрга эга эмасман. Чунки ноябрь ойида жамоа ўз расмий ўйинларини якунлаган. Ҳозир таркиби ҳам ўзгарган. «Локомотив» клуби биз учун кашф этилмаган қитъа. Эртага ўйинда барчасини кузатамиз.

— «Ан-Наср» плей-офф баҳсини уйда ўтказмоқда. Бу жамоага қандайдир устунлик тақдим этадими?
— Маълум маънода бу бизга ёрдам беради. Биз бу учрашувни ўз уйимизда, ўз мухлисларимиз қаршисида ўтказамиз.

— Ўзбекистон чемпионати, миллий терма жамоасининг ўйинларини кузатганмисиз?
— Тўғрисини айтсам, ҳали кузатишга улгурмадим. Лекин бу жамоада техник, тактик тарафлама кучли футболчилар йиғилган.

— «Локомотив» клуби Абу Даби ва Дубайда икки марта йиғинлар, ўртоқлик учрашувлари ташкил этди. Ушбу учрашувлардан ҳабарингиз борми?
— Бизда рақибни ўрганиш учун имконият бўлмади. Эштишим бўйича улар кўплаб кучли клублар билан ўртоқлик учрашувларини ўтказганлар.

Кейиги саволлар Маҳмуд Дарвишга йўналтирилди:
— Ушбу ўйин ҳақида фикрларингиз қандай, рақиб ҳақида ҳам икки оғиз фикр билдириб ўтасангиз.
— Бу учрашув биз яхши тайёргарлик кўрдик. Барчамиз бу учрашувга тайёрмиз. Бош мураббиймиз айтиб ўтганидек биз учун бу ўйин жудаям муҳим. Рақибимиз ҳам Ўзбекистон чемпионатида кучли учликни эгаллаган. Биринчи лигадан чиқиб учинчи ўринни эгаллаш учун кучли футболчилар керак бўлади. Демак, таркиби кучли футболчилар билан бойитилган.