“Рапид” дарвозабони Хорациу Молдован Мадридга “Атлетико”га ўтишини якунлаш учун етиб келди.

26 ёшли футболчи сешанба куни тиббий кўрикдан ўтиши керак ва якунлангач, у Мадрид клуби билан узоқ муддатли шартнома имзолаши кутилмоқда. Молдован эса захира дарвозабон вазифасини бажаради.

Қайд этилишича, руминиялик футболчининг трансфери “Атлетико”нинг амалдаги захира дарвозабони Иво Грбич клубни тарк этишни сўраганидан сўнг амалга оширилган. У "Шеффилд"га ўтиш арафасида турибди.

Молдован жорий мавсумда "Рапид" учун барча мусобақаларда 23 та учрашувда, 25 та гол ўтказиб юборган.