"Барселона" бош мураббийи Хави Эрнандес Бильбаонинг "Атлетик" клуби ҳужумчиси Нико Уильямснинг савиясини юқори баҳолади. Эртага Испания кубоги чорак финалида каталонияликлар басклар билан учрашади.
“Нико Уильямс ҳақидаги фикрим? Менимча, у доимо аниқ мақсад билан ўйнайдиган ажойиб футболчи. Ҳимоячилар уни тўхтатиш учун кўп ҳаракат қилишлари керак. Уильямс ажойиб футболчи”, - деди Хави ўйинолди матбуот анжуманида.
21 ёшли Уильямс Испания чемпионатининг жорий мавсумида 3 та гол урди ва 8 та голли узатмани амалга оширди. Испания терма жамоасида у 11 та ўйин ўтказишга муваффақ бўлган.
