"Барселона" бош мураббийи Хави Эрнандес чемпионат доирасида қироллик клуби иродали ғалабага эришган (3:2) "Реал Мадрид" - "Алмерия" учрашувидаги ҳакамлик ҳақида яна фикр билдирди. Учрашув давомида ҳакам бир қанча баҳсли қарорлар қабул қилди ва бу матбуотда катта жанжалга сабаб бўлди.
“Сантяго Бернабеудаги баҳсли ўйин? Мен оловга мой қуймоқчи эмасман, футбол ҳақида гапирмоқчиман. Агар бошқа кундаги ҳис-туйғуларим ҳақида сўрасангиз, улар ҳақида сизга айтиб беришдан хурсанд бўламан", - деди Хави матбуот анжуманида.
Эслатиб ўтамиз, Мадриднинг “Реал” клуби Ла Лига турнир жадвали пешқадами “Жирона”дан бир очко ортда қолмоқда.
