Осиё кубоги «C» гуруҳида 3-туридан ўрин олган ўйинлар 23 январь, сешанба куни бўлиб ўтди.
Унда Эрон БААга қарши баҳс олиб борди. Учрашувнинг 26-дақиқасида Меҳди Таремий дарвозани ишғол қилди. Биринчи бўлим ушбу ҳисоб билан якунланди.
Иккинчи бўлимда эронликлар ҳисобни ишончли кўринишга олиб келди. 65-дақиқада Таремий яна бир бор ўз номини таблога ёздириб қўйди. Ўйин охирида эса БАА жавоб голини уришга муваффақ бўлди. 90+3-дақиқада Яҳё Алгассани дарвозани аниқ мўлжалга олди. Шу тариқа учрашув Эроннинг 2:1 ҳисобидаги ғалабаси билан якунланди.
Гуруҳнинг иккинчи ўйинида Фаластин Гонгконг устидан 3:0 ҳисобида зафар қучди. Фаластинликлар сафида Одай Даббағ дубль муаллифига айланган бўлса, яна битта гол Заид Қунбар ҳисобига ёзилди.
"C" гуруҳи якунларига кўра жадвал қуйидагича кўриниш олди:
| № | Жамоа | Ўйин | Ғалаба | Дуранг | Мағ-т | Т-Н | Очко | |
|---|---|---|---|---|---|---|---|---|
| 1 |  |
Эрон | 3 | 3 | 0 | 0 | 7-2 | 9 |
| 2 |  |
БАА | 3 | 1 | 1 | 1 | 5-4 | 4 |
| 3 |  |
Фаластин | 3 | 1 | 1 | 1 | 5-5 | 4 |
| 4 |  |
Гонконг | 3 | 0 | 0 | 3 | 1-7 | 0 |
Эрон 1/8 финалда Сурия билан ўйнаса, БААга Тожикистон рақиблик қиладиган бўлди. Фаластиннинг рақиби эса кейинроқ маълум бўлади (Қатар ёки Австралия).
Осиё кубоги, 3-тур баҳслари
23 январь, сешанба
Эрон — БАА 2:1
Голлар: 1:0 – 26 Таремий, 2:0 – 65 Таремий, 2:1 — 90+3 Яҳё ал-Ғассоний (90+3)
Гонгконг — Фаластин 0:3
Голлар: 0:1 – 12 Даббағ , 0:2 – 48 Қунбар, 0:3 – 60 Даббағ .
