"Челси" ярим ҳимоячиси Коул Палмер Англия лига кубоги ярим финалининг жавоб учрашувида "Мидлсбро"га қарши ўйинда дубль қайд этди. Шу тариқа, бу голлар 21 ёшли ярим ҳимоячининг Лондон жамоаси учун жорий мавсумдаги 10 ва 11-голларига айланди. Ёш футболчи айни дамда "Челси"нинг барча мусобақалар тўпурари бўлиб турибди.

Палмер "Манчестер Сити" тарбияланувчиси ҳисобланади. У ёзги трансфер ойнасининг сўнгги кунида 47 миллион евро эвазига "Челси"га ўтди. Бу мавсумда ярим ҳимоячи лондонликлар сафида барча турнирларда 23та ўйин ўтказиб, 11та гол ва 7та голли узатмани амалга оширди. Футболчининг Лондон клуби билан шартномаси 2030 йилнинг июн ойи охиригача амал қилади.