"Бавария" ярим ҳимоячиси Жошуа Киммих "Барселона"га ўтиши мумкин. Журналист Кристиан Фалкнинг хабар беришича, Мюнхен клуби келаётган ёзда Киммихнинг трансфери бўйича каталонияликлар билан музокаралар олиб боришни режалаштирган.

Бу қарорга "Бавария" раҳбарияти клуб футболчининг шартнома муддати тугагандан сўнг текинга кетишидан қўрқаётгани сабаб бўлган, дейди манба. Қайд этилишича, Киммихнинг ўзи аллақачон "Барселона" бош мураббийи Хави Эрнандес билан гаплашиб бўлган.

28 ёшли футболчининг "Бавария" билан амалдаги шартномаси 2025 йилнинг ўрталарига қадар тузилган.