"Bavariya" yarim himoyachisi Joshua Kimmix "Barselona"ga o‘tishi mumkin. Jurnalist Kristian Falkning xabar berishicha, Myunxen klubi kelayotgan yozda Kimmixning transferi bo‘yicha kataloniyaliklar bilan muzokaralar olib borishni rejalashtirgan.
Bu qarorga "Bavariya" rahbariyati klub futbolchining shartnoma muddati tugagandan so‘ng tekinga ketishidan qo‘rqayotgani sabab bo‘lgan, deydi manba. Qayd etilishicha, Kimmixning o‘zi allaqachon "Barselona" bosh murabbiyi Xavi Ernandes bilan gaplashib bo‘lgan.
28 yoshli futbolchining "Bavariya" bilan amaldagi shartnomasi 2025 yilning o‘rtalariga qadar tuzilgan.