"Бавария" ярим ҳимоячиси Леон Горецка бу қишда ҳам, келаси ёзда ҳам Мюнхен клубини тарк этиш ниятида эмас, деб хабар беради Sky Germany.

Манбага кўра, ярим ҳимоячи эҳтимолий кетиши борасида ҳеч ким билан мулоқот қилмаган ва ҳалигача Томас Тухель жамоасининг асосий таркибидан жой олиш учун курашиш ниятида. Горецка “Бавария”га 2018 йилда келиб қўшилганди. Жорий мавсумда 28 ёшли серқирра ярим ҳимоячи Германия чемпионатида 13 ўйин ўтказиб, иккита гол урди ва иккита голли узатмани амалга оширди.

Горецканинг "Бавария" билан амалдаги шартномаси 2026 йилнинг июнь ойи охиригача амал қилади. Нуфузли Transfermarkt интернет портали немис футболчисининг бозор қийматини 40 миллион еврога баҳоламоқда.