"Ал-Иттиҳод" ҳужумчиси Карим Бензема жорий трансфер ойнасида Саудия Арабистони Премьер-лигасида қолиши мумкин. Бу ҳақда Diario AS хабар берди.
Манбага кўра, "Ал-Иттиҳод" раҳбарлари Бенземани миллий чемпионатдан қўйиб юбормоқчи эмас. Идеал ҳолда, улар Бенземани ўз таркибида сақлаб қолишни хоҳлашади. Бироқ яна бир вариант борки, франциялик футболчи Саудиянинг бошқа клубига ижарага берилади. Қайд этилишича, бу ерда фаворит "Ал-Аҳли" бўлиб турибди, у "Ал-Иттиҳод"га рақобатчи бўлмаган давлат инвестиция жамғармаси томонидан молиялаштириладиган ягона клуб ҳисобланади.
Эслатиб ўтамиз, Бензема ўтган ёзда эркин агент сифатида "Ал-Иттиҳод"га ўтганди. Унинг Саудия Арабистони клуби билан амалдаги шартномаси 2026 йилнинг ёзида якунига етади.
