"Барселона" ҳужумчиси Роберт Левандовски Испания кубоги чорак финалида "Атлетик"дан учралган мағлубиятдан сўнг (2:4) ўзнинг ижтимоий тармоғидаги саҳифасида пост қолдирди. Эслатиб ўтамиз, ушбу учрашувда польшалик ҳужумчи битта гол урди.
"Испания кубоги кутилганидан эртароқ якунланди. Биз бир жамоа бўлиб, кейинги ўйинларга эътибор қаратишимиз керак. Биргаликда, "Барселона", - деб пост қолдирди Левандовски ижтимоий тармоғида.
Эслатиб ўтамиз, учрашувнинг асосий вақти 2:2 ҳисобида якунланганди. Қўшимча вақтда “Атлетик” “Барселона” дарвозасига икки бор гол урди ва Каталония клубини турнирдан чиқариб юборди. Эслатиб ўтамиз, “Барселона” Испания кубогидаги ғалабалар сони бўйича рекордчи ҳисобланади (31).
