Aнглия премьер-лигаси келаси мавсумдан Чемпионлар лигасининг куз-қиш босқичида кўпроқ - олти эмас, саккизта ўйин бўлишини ҳисобга олиб, ички тақвимни соддалаштирмоқчи.

Лига кубоги форматини ўзгартириш мумкинлиги ҳақида савол туғилди. Ушбу турнирда ярим финал бошқа босқичлардан фарқли ўлароқ, иккита ўйиндан иборат.

Бироқ, Aнглия футбол лигаси кейинги мавсумда форматни ўзгартиришдан бош тортди. Бу Премьер-лига клубларининг қуйи лига клублари ўртасида молиявий тақсимот бўйича келиша олмагани фонида юз берди.

Буларнинг барчаси ҳақида Times хабар бермоқда. Шу тариқа, 2024/2025 йилги мавсумда жамоалар аввалгидек Лига кубоги ярим финалида иккита ўйин ўтказишади.