"Ювентус" ёзда "Аталанта" ярим ҳимоячиси Тён Копмейнерсни сотиб олмоқчи. Бу ҳақда журналист Жанлука Ди Марцио хабар бермоқда.
Манбага кўра, 25 ёшли футболчи туринликлар учун устувор мақсад ҳисобланади. “Ювентус” марказий ярим ҳимоячи учун тахминан 40 миллион евро тўлашга тайёр. “Бянконери” вакиллари февраль ойида “Аталанта” билан музокараларни бошлашади.
Копмейнерс 2021 йилдан бери "Аталанта"да ўйнаб келмоқда. Жорий мавсумда ярим ҳимоячи бергамоликлар сафида барча турнирларда 26 та ўйин ўтказиб, 7 та гол ва 4 та голли узатмани амалга оширди.
