"Севилья" бош мураббийи Кике Санчес Флорес "Атлетико"га қарши (0:1) Испания кубоги 1/4 финалидан кейин ўтказилган матбуот анжуманида саволларга жавоб беришдан бош тортди. У буни клуб мухлисларининг бахтсиз ҳодисада вафот этгани билан изоҳлади.
“Биз “Севилья”нинг уч мухлисининг ўлими ҳақидаги хабардан хафа бўлдик ва қайғуга тушдик. Мен узр сўрайман, лекин мен матбуот анжуманига фақат "Севилья" мухлисларига ҳамдардлик билдириш учун келдим", - дея Флоресдан иқтибос келтиради Sport.es.
Олдинроқ қуюқ туман сабаб уч нафар мухлис бахтсиз ҳодиса натижасида ҳалок бўлгани маълум бўлган эди.
“Атлетико”нинг ярим финалдаги рақиби қуръадан кейин аниқланади. Аввалроқ “Реал Сосьедад”, “Мальорка” ва “Атлетик” ярим финалга чиққанди.
