«Динамо» ҳужумчиси Кожо Жоэлнинг Қирғизистон - Уммон ўйини (1:1) якунидаги голи қирғизларнинг Осиё кубоги-2023даги ягона голи ва очкосини келтирди.
Самарқанд клуби форвардининг голи Индонезияни кутилмаганда Осиё кубоги плей-офф босқичига олиб чиқди. Натижада, мусобақа билан деярли хайрлашган индонезияликлар учун Кожо қаҳрамонга айланди. Футболчининг «Динамо» инстаграм саҳифасидаги уммонликлар дарвозасига киритган голи аллақачон 1,6 миллион марта кўрилди, 60 мингга яқин изоҳ ёзилди, Кожонинг обуначилари сони 50 мингдан ошиб кетди. Кожо кеча қарийб 300 миллион аҳолига эга Индонезия қаҳрамонига айланди.
