Италиянинг “Наполи” футбол клуби Янник Синнерни Aвстралия Очиқ чемпионати ярим финалида Новак Жокович устидан қозонилган шов-шувли ғалабаси билан табриклади.
"Табриклайман, Янник", - дейилади "Наполи" матбуот хизмати ижтимоий тармоқларда эълон қилган хабарда.
Эслатиб ўтамиз, Мелбурнда бўлиб ўтаётган Australian Open 2024 турнирининг ярим финал учрашувида дунёнинг биринчи ракеткаси, сербиялик теннисчи Новак Жокович италиялик спортчи Янник Синнердан (ATP рейтингида тўртинчи) мағлуб бўлганди.
Учрашув 6:1, 6:2, 6:7 (6:8), 6:3 ҳисобида италиялик фойдасига ҳал бўлди.
