"Лас-Пальмас"нинг чап қанот ҳимоячиси Серхи Кардона "Барселона"нинг нишонига айланди.
24 ёшли футболчининг шартномаси жорий мавсум сўнггида тугайди ва Европанинг топ-лигаларининг турли клублари вакиллари аллақачон латералнинг агентига мурожаат қилишган. Инсайдер Фабрицио Романонинг сўзларига кўра, "Барселона" ҳам қизиқувчилар орасида ва вазиятни диққат билан кузатиб бормоқда. Декабрь ойида футболчининг "Атлетико"га ўтиши мумкинлиги ҳақида хабарлар тарқалган эди.
Серхи Кардона жорий Ла Лигада “Лас-Пальмас” сафида 20 та ўйинда майдонга тушиб, битта голли узатмани амалга оширди. Transfermarkt портали маълумотларига кўра, испаниялик футболчининг нархи 3 миллион еврони ташкил қилади.
