"РБ Лейпциг" дарвозабони Петер Гулачи "Ноттингем Форест"нинг трансфер мақсадига айланди.

"Ўрмончилар" раҳбарияти "буқалар"нинг асосий жамоасига киритилмаган венгер футболчиси билан шартнома имзолаш бўйича иш бошлаган, дея хабар беради инсайдер Фабрицио Романо.

Инглиз клуби январь ойидаги трансфер ойнасининг сўнгги кунларида келишувни якунлашни мақсад қилган, аммо бу осон бўлмайди, чунки "РБ Лейпциг" мавсум давомида 33 ёшли дарвозабонни йўқотишни истамайди.

Петер Гулачи жорий Бундеслигада бирорта ҳам майдонга тушмаган, бироқ Чемпионлар Лигаси ва Германия кубоги доирасидаги иккита ўйинда қатнашган.

Умуман олганда, дарвозабон 2015 йилда жамоага келганидан бери "Лейпциг" сафида 287 та ўйин ўтказган.