Душан Влахович жорий мавсум А Сериядаги 12-голини урди.
“Ювентус”нинг сербиялик ҳужумчиси 22-тур учрашувининг 50-дақиқасида “Эмполи” дарвозасини ишғол қилди.
Бу Душаннинг А Сериядаги сўнгги 6 ўйинидаги 7-голидир.
Италия чемпионатининг 20та ўйинида 12та гол урган ҳолда, у тўпурарлар рўйхатида фақат Лаутаро Мартинесдан ортда қолган ҳолда иккинчи ўринни эгаллаб турибди – “Интер” ҳужумчиси 18та ўйинда 18та гол урган.