“Мидлсбро” ҳужумчиси Морган Рожерс фаолиятини “Aстон Вилла”да давом эттириши мумкин.
Aввалроқ 21 ёшли вингер Бирмингем жамоасининг асосий мақсади эканлиги ҳақида хабар берилганди.
Инсайдер Фабрицио Романонинг сўзларига кўра, "Aстон Вилла" "Мидлсбро"га учинчи яхшиланган таклифни юборган.
Манбага кўра, трансфер суммаси тахминан 17,5 миллион еврони ташкил қилиши мумкин. Қайд этилишича, “Aстон Вилла” янги ҳафта бошида шартномани ёпмоқчи.
Жорий мавсумда Рожерс барча мусобақаларни ҳисобга олган ҳолда 33 та учрашувда қатнашиб, 7 та гол урди ва 9 та голли узатмани амалга оширди.
