Миш-мишларга кўра, ҳозирда клубда иккинчи жамоа билан ишлаётган Рафаэль Маркес "Барселона" бошқарувида Хави ўрнини эгаллаши мумкин.
Мексикаликдан бу лавозимни олишдан унинг ўзи хурсанд бўладими, деб сўрашди.
"Ким бундан бахтли бўлмайди, тўғрими? Aммо энг муҳими, ишингизни давом эттириш ва бундай дақиқалар келган тақдирда ижобий тайёргарлик кўришдир.
Сиз бу имкониятни рад эта олмайсиз. Aгар шундай бўлса, мен тайёр бўлишга ва бор кучимни ишга солишга ҳаракат қиламан", - дея Маркеснинг сўзларини келтиради AS.
Эслатиб ўтамиз, Хави жорий мавсум якунида "Барселона"ни тарк этиш қарорини эълон қилган эди. Бу ўз майдонида "Вильярреал"дан 3:5 ҳисобида мағлуб бўлганидан кейин содир бўлди.
