11 февраль куни Ўзбекистон U-17 ўсмирлар терма жамоаси БААнинг Дубай шаҳрига навбатдаги ўқув-машғулот йиғинини ўтказиш учун жўнаб кетди.

Дилшод Нуралиев мураббийлигидаги ўсмирлар терма жамоаси 20 февраль кунига қадар Дубайда йиғин ўтказади. Мазкур йиғин давомида Ўзбекистон ўсмирлар терма жамоаси 3та ўртоқлик учрашувида майдонга тушади. Улардан иккитаси эса БАА ўсмирлар терма жамоасига қарши ўтказилади. Бош мураббий Дилшод Нуралиев БАА йиғинига жами 25 нафар футболчини жалб этган.

Эслатиб ўтамиз, Ўзбекистон U-17 ўсмирлар терма жамоаси сўнгги Осиё чемпионати ғолиби саналади. Дилшод Нуралиев бошчилигидаги терма жамоа қитъа чемпиони сифатида шу йили октябрь ойида айнан БААда бўлиб ўтадиган ўсмирлар ўртасидаги жаҳон чемпионати финал босқичига йўл олган.

БАА йиғинига жалб этилган футболчилар рўйхати.
Дарвозабонлар: Сарвар Каримов, Шоҳрух Эшбўтаев, Убайдулло Алоҳонов;
Ҳимоячилар: Иброҳим Абдуллаев, Одилжон Ҳамробеков, Жамшид Болтабоев, Шохжаҳон Эркинов, Ҳумоюн Аъзамов, Ислом Исмоилов, Акроммжон Комилов, Рустамжон Ашурматов, Ойбек Эркинов;
Ярим ҳимоячилар: Отабек Шукуров, Давронжон Мамажонов, Иззатилла Абдуллаев, Исломбек Каримов, Равшанбек Ҳурсанов, Илҳомжон Абдуғаниев, Улуғбек Давлатов, Жавоҳир Сиддиқов, Достонбек Ҳамдамов, Аҳмаджон Аҳмаджонов;
Ҳужумчилар: Акобир Тўраев, Шоҳжаҳон Аббосов, Дилшод Хушбаков.