"Лилль" ҳужумчиси Жонатан Дэвид келаётган ёзда клубини ўзгартириши мумкин. 24 ёшли футболчига Лондоннинг "Челси" ва "Атлетико Мадрид" клублари қизиқиш билдирмоқда, деб хабар беради Telefoot.
Иккала клуб ҳам канадалик футболчини ёзги трансфер ойнасида сотиб олиш имкониятини кўриб чиқмоқда. Олдинроқ хабар қилинганидек, Италиянинг “Наполи” ва “Милан” ҳам форвардга кўз тикишмоқда.
Жонатан Дэвид жорий мавсумда “Лилль” сафида 27 та ўйинда майдонга тушиб, 11 та гол ва 6 та голли узатмага муаллифлик қилган.
