"Ливерпуль" бош мураббийи Юрген Клопп Англия кубоги 4-раундида "Норвич"га қарши ўйинни (5:2) ўтказиб юборган жамоаси ярим ҳимоячиси Алексис Макаллистер ҳақида гапирди.
"Агар мавсумнинг ҳал қилувчи ўйини бўлганида, у ўйнаши мумкин эди. Биз унга дам беришга қарор қилдик. Ўйлайманки, у чоршанба кунига қадар тайёр бўлади", - дея Юрген Клоппнинг сўзларини келтиради "Ливерпуль" расмий сайти.
Алексис Макаллистер ўтган ёзда "Брайтон"дан "қизиллар" сафига келиб қўшилганди. У шу кунгача Англия Премьер-лигасида “Ливерпуль” сафида 16 та ўйин ўтказиб, битта гол ва битта голли узатмани амалга оширган.
