"Манчестер Юнайтед" якшанба куни Aнглия кубоги доирасида "Ньюпорт"ни 4:2 ҳисобида мағлуб этди.

Ўйинда Антони гол урди ва голли узатмани амалга оширди, бу ўтган баҳордан бери биринчи голли ҳаракат сифатида қайд этилди.

Бразилиялик бу борада ўз фикрини билдирди.

“Мен бу клубда ўйнаш даражасига эришиш учун қаттиқ курашдим. Биламан, мен кечаги ўйинга асосланиб, ўзимнинг энг яхши фазилатларимни кўрсатишда давом эта оламан.

Мен ҳар куни яхшироқ бўлишга ўзимни мажбур қилдим. "Манчестер Юнайтед" мен билан шартнома имзолаганда барчасини исботлашни тушунганман.

Бу дунёнинг асосий клубларидан бири, у ерда ҳамма ўйнашни хоҳлайди", - дея Антонининг сўзларидан иқтибос келтиради журналист Жеймс Дакер.