Европа чемпионлар лигаси 1/8 доирасидаги «Реал» ҳамда «Манчестер Юнайтед» ўртасидаги учрашувни Феликс Брих бошчилигидаги германиялик ҳакамлар бригадаси бошқариб боришади. Бу ҳақда мадридликларнинг расмий сайтида хабар берилган.
37 ёшли ҳакам бунгача «Реал» иштирокидаги учта учрашувни бошқариб борган. Жумладан ўтган йилги худди шу босқичда ўтказилган АПОЕЛга қарши чемпионлар лигаси учрашувини ҳам. Бундан ташқари 2009 ва 2010 йилларда «қайморанглилар»нинг «Милан» ҳамда «Тоттенҳем» билан ўйинларида ҳам ишлаган.
Эслатиб ўтамиз, жамоалар иштирокидаги дастлабки учрашув 13 февраль куни Мадридда бўлиб ўтади.