“Атлетико Мадрид” сешанба куни “Ювентус” ҳужумчиси Мойзе Киннинг трансфери ҳақида эълон қилади, деб хабар беради Mundo Deportivo.
Манбага кўра, 23 ёшли футболчи аллақачон тиббий кўрикдан ўтган, фотосессияда иштирок этган ва клуб ОАВларига интервью берган. Кин 2023/2024 йилги мавсум охиригача ижара асосида "матрасчилар"га ўтади. Битим суммаси 500 минг еврони ташкил қилади ва клуб футболчининг маошини тўлиқ тўлаш мажбуриятини олади.
Кин "Ювентус" тарбияланувчиси ва академиядан асосий жамоага қадар йўлни босиб ўтган. Футболчининг Турин клуби билан шартномаси 2025 йилнинг ёзига қадар мўлжалланган. Transfermarkt Кинни 18 миллион еврога баҳоламоқда.
