Мадриднинг “Атлетико” клуби “Валенсия” ҳимоячиси Габриэль Паулиста хизматларига қизиқиш билдирмоқда, бу ҳақда инсайдер Фабрицио Романо ижтимоий тармоқда хабар берди.
Манбанинг хабарига кўра, бразилиялик футболчи сўнгги 7 йил давомида ўйнаб келаётган клубини тарк этмоқчи. Қайд этилишича, "матрасчилар" "Челси" ҳимоячиси Трево Чалобанинг вариантини кўриб чиқишган, аммо қимматлиги туфайли бу номзодликдан воз кечишга қарор қилинган.
Паулистанинг "Валенсия" билан шартномаси жорий мавсум охиригача амал қилади. Transfermarkt уни 2,5 миллион еврога баҳоламоқда. Жорий мавсумда бразилиялик футболчи барча турнирларда 19та ўйинда иштирок этди.
