Ҳужумчи Aрмандо Броя қишки трансфер ойнасининг сўнгги кунларида "Челси"ни "Фулхэм"га алмаштириши мумкинлиги ҳақида миш-мишлар тарқалди.
Бу ҳақда "аристократлар" бош мураббийи Маурисио Почеттино фикр билдирди.
“Ҳар доим миш-мишлар бўлади. Биз бу билан яшашимиз керак. Aйни пайтда гаплашадиган ҳеч нарса йўқ - ҳеч нарса содир бўлмади.
Ҳаммаси тинч. Ҳаммаси тинч ва осойишта”, - деди Почеттино сешанба куни бўлиб ўтган матбуот анжуманида журналистларга. "Челси" ҳозирда "Ливерпул"га қарши AПЛ доирасидаги сафар ўйинига тайёргарлик кўрмоқда.
Жамоалар 31-январь, чоршанба куни майдонга тушади.
