"Бавария" ярим ҳимоячиси Йозуа Киммихнинг жароҳати аввал кутилганидан ҳам жиддийроқ бўлиб чиқди.
Бу ҳақда Bild хабар бермоқда. Олдинроқ мюнхенликлар бош мураббийи Томас Тухель 28 ёшли футболчининг елкасида муаммолар борлиги ҳақида хабар берган эди.
Киммих фақатгина Германия чемпионатининг 19-туридан ўрин олган "Aугсбург"га қарши ўйинни ўтказиб юбориши кутилганди.
Энди футболчи "Бавария"нинг яна учта ўйинини ўтказиб юбориш хавфи бор. Ярим ҳимоячининг тикланиши учун аниқ вақт номаълум.
Жорий мавсумда Киммих “Бавария” сафида 23 та ўйинда майдонга тушиб, 1 та гол урди ва 6 та голли узатмани амалга оширди.
