"Bavariya" yarim himoyachisi Yozua Kimmixning jarohati avval kutilganidan ham jiddiyroq bo‘lib chiqdi.

Bu haqda Bild xabar bermoqda. Oldinroq myunxenliklar bosh murabbiyi Tomas Tuxel 28 yoshli futbolchining yelkasida muammolar borligi haqida xabar bergan edi.

Kimmix faqatgina Germaniya chempionatining 19-turidan o‘rin olgan "Augsburg"ga qarshi o‘yinni o‘tkazib yuborishi kutilgandi.

Endi futbolchi "Bavariya"ning yana uchta o‘yinini o‘tkazib yuborish xavfi bor. Yarim himoyachining tiklanishi uchun aniq vaqt noma’lum.

Joriy mavsumda Kimmix “Bavariya” safida 23 ta o‘yinda maydonga tushib, 1 ta gol urdi va 6 ta golli uzatmani amalga oshirdi.