Карим Бензема "Ал-Иттиҳод"ни тарк этмайди.
The Athletic хабарига кўра, Саудия Арабистонида қишки трансфер ойнаси ёпилиши арафасида 36 ёшли ҳужумчи Жидда клубида қолади.
Аввалроқ франциялик футболчи “Ал-Иттиҳод”га 17 кун кечикиб келгани клубни ғазаблантирганди. Ҳужумчининг атрофидагилар Карим "Маврикийдаги циклон туфайли" ўз вақтида келмаганини даъво қилишса-да, у жамоа йиғинидан четлаштирилди.
Футболчига Саудия ва Европа клублари қизиқиш билдираётгани хабар қилинганди.
Бензема Саудия Арабистони чемпионатида 15 та ўйин ўтказиб, 9 та гол урди ва 5 та голли узатмани амалга оширди.
