"Арсенал" бош мураббийи Микель Артета "Ноттингем Форест"га қарши Англия чемпионатининг 22-тур учрашувидан (2:1) кейин "канонирлар" ҳимоячилари Александр Зинченко ва Бен Уайт ўртасидаги можаро билан боғлиқ воқеа ҳақида гапирди.
"Мен буни яхши кўраман, улар бир-бирларидан кўпроқ нарсани талаб қилишади. Улар вазиятдан норози бўлиб, муаммони ҳал қилишга ҳаракат қилишди. Баъзида ўйиндан кейин ҳиссиёт ва қизғин бўлиши мумкин, аммо менга футболчилар бир-бирларини туртиб, яхшироқ ўйнашни талаб қилишлари ёқади", - деди Артета Daily Mail билан суҳбатда.
Учрашув давомида “Арсенал” 2:0 ҳисобида ғалаба қозонаётган эди, бироқ 89-дақиқада “Ноттингем” ҳужумчиси Тайво Авоний лондонликлар дарвозасини ишғол қилди. Финал ҳуштаги чалинганидан кейин Зинченко ва Уайт баланд овозда ўтказиб юборилган голни муҳокама қилишди.
22-турдан сўнг "Арсенал" 46 очко билан АПЛда 2-ўринни эгаллаб турибди. Чемпионатда “Ливерпуль” етакчилик қилмоқда (48 очко).
