Франциянинг "Реймс" клубини япониялик ярим ҳимоячиси Дзюня Ито икки аёлга жинсий тажовуз қилганликда айбланди.

Livedoor News нашрининг хабар беришича, Япония терма жамоасининг ўтган июнь ойида Япониянинг Суйта шаҳрида Перуга қарши ўтказилган ўртоқлик учрашувидан сўнг Ито Осакадаги меҳмонхонасида икки аёлни маст қилиб қўйган ва улардан жинсий розилик олмаган.

Шундан сўнг, икки аёл уни жинсий зўравонликда айблади.

Жабрланувчилардан бири ўтган йилнинг сентябрь ойидан бери адвокати орқали узр сўрашни талаб қилган, бироқ футболчидан на пушаймон, на самимий жавобни ҳис қилмагани учун судга мурожаат қилишга қарор қилган.