"Манчестер Юнайтед" бош мураббийи Эрик тен Хаг Англия чемпионатининг 22-турида "Вулверхэмптон"га қарши бўлиб ўтадиган ўйин ҳақида фикр билдирди.
"Биз биламизки, биз ўзимизнинг энг яхши ўйинимиз билан ҳар кимни мағлуб эта оламиз ва жамоадаги ҳамма бунга жуда ишонади. Қолаверса, улар жароҳат олган футболчиларнинг сафга қайтиши билан жамоа янада кучайишини билишади. Бу ҳам жамоада мотивация, кайфият ва руҳни оширади", - деди Тен Хаг клуб расмий сайтига.
Ҳимоячилар Лисандро Мартинес, Люк Шоу ва Гарри Магуайр, шунингдек, ярим ҳимоячи Каземиро жароҳатидан тўлиқ фориғ бўлишди. Барча футболчилар "Ньюспорт Каунти" билан Англия кубогининг 1/16 финалида иштирок этишди (4:2).
22-турдан сўнг "Манчестер Юнайтед" 32 очко билан АПЛда 9-ўринда бормоқда.