"Манчестер Юнайтед" ҳужумчиси Маркус Рэшфорд жамоани тарк этиши мумкин.

Football Insider хабарига кўра, 26 ёшли футболчининг хизматларига Лондоннинг "Арсенал" клуби қизиқиш билдирмоқда. "Канонирлар" жорий мавсум якунланганидан кейин Рэшфордни сотиб олишга ҳаракат қилади. Қайд этилишича, футболчининг тартиб-интизом билан боғлиқ муаммоларидан кейин “Манчестер Юнайтед”даги келажаги сўроқ остида қолмоқда.

Аввалроқ, "Манчестер Юнайтед" тунги клубга боргани учун Рэшфордни 764 минг евро жаримага тортгани маълум бўлганди. Жорий мавсумда футболчи барча турнирларда 27 та ўйин ўтказиб, 5 та гол урди ва 6 та голли узатмани амалга оширди.