"Тоттенхэм" вингери Бриан Хиль жамоада қолишга қарор қилди.
Испаниялик футболчи ҳали "шпорлар"нинг асосий таркибига киргани йўқ, шу сабабли ОАВда футболчининг қишки трансфер ойнасида кетиши мумкинлиги ҳақида маълумот пайдо бўлди. Инсайдер Фабрицио Романонинг сўзларига кўра, Хиль кўплаб миш-мишларга қарамай, қолишга қарор қилган. 22 ёшли футболчи ижарага кетиш вариантларини ҳам кўриб чиқмади, чунки у Ангелос Постекоглу жамоасида асосий жамоадан жой учун курашмоқчи.
Бриан Хиль ушбу мавсумда "Тоттенхэм" сафида ўнта ўйинда майдонга тушди. Футболчи жароҳати сабаб мавсум бошини ўтказиб юборди.