"Манчестер Юнайтед" сардори Бруно Фернандеш "Вулверхэмптон"га (4:3) қарши ўйиндан сўнг интервью берди.

“Қизил иблислар” 85 ва 95-дақиқаларда гол ўтказиб юбориб, ғалабани деярли қўлдан чиқаришди, аммо “бўрилар”нинг қутқарувига 97-дақиқада 18 ёшли Кобби Майну тўсқинлик қилди ва у таблодаги якуний ҳисобни ўрнатди.

“Бу қийин ўйин бўлди. “Вулверхэмптон” қийин рақиб эканлигини билардик. Биз ўйинни яхшироқ назорат қилишимиз керак эди, рақибларимизга вазиятлар яратишга имкон бердик. Қаттиқ меҳнат ва ажойиб иқтидор намойиши якунда ғалаба қозонишимизга ёрдам берди.

Майну - ажойиб истеъдод. Мен унинг ёшлар жамоасида ўйнаганини кўрганман ва унинг исмини бир неча йил аввал, асосий жамоада пайдо бўлишидан олдин билардим”, — деди Фернандеш TNT Sports телеканалига берган интервьюсида.