"Интер" ҳужумчи Лаутаро Мартинес билан янги шартнома имзолашига шубҳа қилмаяпти.
"Нерадзуррилар" сардори келишувни узайтиришга яқин эди, бироқ ОAВда ёзилишича, футболчининг агенти сўнгги пайтларда «Интер»га босим ўтказа бошлаган, бунга бошқа клубларнинг қизиқиши сабаб бўлиши мумкин.
Журналист Маттео Бардзагининг фикрича, миланлик гигант раҳбарияти хотиржамликни сақламоқда ва музокаралар муваффақиятли якунланишига ишончи комил.
Шартнома шартлари қишки трансфер ойнаси ёпилгандан кейин кўриб чиқилади. Томонлар баъзи тафсилотлар, жумладан, бонус тўловлари бўйича ҳалигача келиша олишмади.
