"Наполи" Пётр Зелиньскини Чемпионлар лигаси учун қайдномадан чиқариб юборди.
Шунингдек, бир неча кун олдин "Астон Вилла"дан ижара асосида ўтган "Наполи"нинг янги футболчиси Леандер Дендонкер ҳам турнир ўйинлари учун қайдномага киритилмаган. Қолган янги футболчилар - вингер Сириль Нгонж, ҳимоячи Паскуале Маццокки ва ярим ҳимоячи Хамед Траоре рўйхатга киритилди.
Чемпионлар лигасининг 1/8 финалида "Наполи" "Барселона" билан ўйнайди. Жамоа илк ўйинни ўз майдонида ўтказади, у ўйин 21 февраль куни бўлиб ўтади.
Зелиньски ёзда "Наполи"ни эркин агент сифатида тарк этиб, "Интер"га ўтишга яқин турибди. La Gazzetta dello Sport хабарига кўра, футболчи аллақачон "нерадзуррилар" билан тўлиқ келишувга эришган - фақат ҳужжат масалаларни ҳал қилиш керак.
