«Манчестер Юнайтед» бош мураббийи сэр Алекс Фергюсон Европа чемпионлар лигасининг нимчорак финал «Реал»га қарши ўйини борасида ўз фикрларини билдириб ўтди. Фергюсоннинг фикрича ўйин қаҳрамони жамоасининг дарвозабони Де Хеа экан.

«Де Хеа бугун уч ёки тўртта ақлбовар қилмас «сейв»ларни амалга оширди. Аммо бу билан биргаликда бизда ҳам бир қатор жуда яхши имкониятларни юзага келтиргандик. Ўйлашимча, бугун яхши, ҳужумкор футбол намойиш эта олдик».

«Албатта, тўпни назорат қилишимиз унчалик ҳам ўхшагани йўқ, аммо футболчиларимиз керак пайтда жипслашиб ўйнай олишди ва биз «Олд Траффорд»га ажойиб натижа билан қайтадиган бўлдик. Энди кенг кўламдаги тайёргарликни олиб боришимиз керак. Барчаси ўз қўлимизда қолди», дея Фергюсоннинг сўзларидан иқтибос келтирмоқда УЕФА расмий сайти.