"Вест Хэм" бош мураббийи Давид Мойес Эрик тен Хагнинг "Манчестер Юнайтед" бошқарувидаги ўйинини баҳолади.
Эртага "болғачилар" Англия Премьер-лигасининг навбатдаги тури доирасида "Олд Траффорд"га йўл олишади.
"Эрик "Манчестер Юнайтед" бош мураббийи сифатида жуда имтиёзли лавозимда. Менимча, у буни тушунади. Тен Хаг ўз ўйин услубини жамоага сингдиришга ҳаракат қилмоқда. У нарсаларнинг маълум бир тарзда ишлашини хоҳлайди. Мен унга фақат қилган иши учун баҳо бера оламан" - деди Мойес матбуот анжуманида.
Эслатиб ўтамиз, Мойеснинг ўзи бунга қадар "Манчестер Юнайтед" бош мураббийи сифатида ишлаган. Бироқ, шотландиялик мураббий ўзининг ягона мавсумини якунлай олмаганди.
