Мадриднинг "Атлетико" клуби бош мураббийи Диего Симеоне ўз жамоаси "Реал" етакчиларидан бири Жуд Беллингемни қандай қилиб "ёпа олгани" ҳақида гапириб берди.
Жорий мавсумда "матрасчилар" билан учта ўйинда англиялик футболчи гол ура олмади.
"Бизга омад кулиб боқди. Беллингем ажойиб футболчи. У ҳужумнинг иккинчи чизиғидан яхши боғланади. Ҳозир Жуд ривожланиши учун ҳамма нарсага эга бўлган клубда ўйнайди. Менга бу йигит жуда ёқади", - деди Симеоне ESPN билан суҳбатда.
Беллингем ўтган ёзда "Реал"га ўтган эди. Ушбу Ла Лига мавсумида ярим ҳимоячи 19 та ўйин ўтказиб, 14 та гол урди ва 3 та голга ассистентлик қилди.
