"Барселона" марказий ҳимоячиси Жюль Кунде "Aлавес" устидан қозонилган ғалабадан сўнг (3:1) журналистлар саволларига жавоб берди.
Хави Эрнандес мавсум охирида фаолиятини якунлашини эълон қилганидан сўнг, "Барса" иккала ўйинда ҳам ғалаба қозонди.
Бироқ, Кунденинг сўзларига кўра, тахминларга қарамай, жамоа ўзини бўшаштирмаган.
"Йўқ, биз Хавининг баёнотидан кейин ўзимизни эркин ҳис қилмаяпмиз. Бугун биз дастлабки 30 дақиқада яхши ўйнадик, кейин эса рақиблар бизга босим ўтказа бошлашди, бироқ биз ўйин назоратини ушладик ва сақлаб қолдик.
Биз ҳимояда яхшироқ ўйнашимиз кераклигини тушунамиз. Бугун ғалаба қозониш учун жуда кўп характер керак эди ва биз буни уддаладик. Муҳим уч очко”, деди франциялик футболчи ўйиндан кейинги интервьюсида.
