БААнинг Фужайра шаҳрида таэквондо WТ бўйича «Fujairah Open» мусобақаси ўз якунига етди. Унда иштирок этган Ўзбекистон терма жамоаси 6 та олтин, 1 та кумуш ва 3 та бронза, жами 10 та медални қўлга киритди.

Бу иштирокчи давлатлар орасида энг яхши кўрсаткич бўлди ва ҳамюртларимиз умумжамоа ҳисобида биринчи ўринни эгаллашди. Шунингдек, терма жамоамиз ўз тарихида биринчи бор G2 таснифидаги очиқ турнирларда 10 та медалга сазовор бўлди.

Мусобақа ғолиб ва совриндорлари билан танишинг:

Олтин медаль:
-54 кг: Жаҳонгир Худойбердиев
-68 кг: Диёрбек Тўхлибоев
-74 кг: Улуғбек Рашитов
-80 кг: Жасур Жайсунов
-67 кг: Озода Собиржонова
+73 кг: Ирода Миртожиева

Кумуш медаль:
-74 кг: Нажмиддин Қосимҳожиев

Бронза медаль:
-80 кг: Мавлонбек Тўхтасинбоев
+87 кг: Никита Рафалович
-67 кг: Феруза Содиқова.