"Челси" бош мураббийи Маурисио Почеттино истеъфога чиқарилиши мумкин.
TeamTalk хабарига кўра, Лондон клуби раҳбарияти жамоанинг сўнгги натижаларидан норози ва клубнинг Премьер-лигадаги сўнгги ўйинида "Вулверхэмптон"дан учралган мағлубият (2:4) 51 ёшли аргентиналик мутахассиснинг ишдан бўшатилишига сабаб бўлиши мумкин.
Почеттино “Челси”ни 2023 йилнинг июлидан буён бошқариб келмоқда. Жамоа унинг қўл остида барча турнирларда 31 учрашув ўтказиб, 15 марта ғалаба қозонган, 5 марта дуранг ўйнаган ва 11 марта мағлубият аламини тотиб кўрган.
Клуб 23 ўйиндан сўнг 31 очко тўплаган ҳолда Премьер-лига турнир жадвалида 11-ўринда бормоқда.
