5 февраль, душанба куни Криштиану Роналду ўзининг туғилган кунини нишонламоқда. Португалиялик юлдуз ҳужумчи 39 ёшга тўлди. Албатта, Роналдунинг ҳозирги клуби Саудия Арабистонининг “Ан-Наср” клуби ижтимоий тармоқларда табрик йўллади. Шунингдек, Криштианунинг учта собиқ клуби - Португалиянинг "Спортинг", Италиянинг "Ювентус"и ва Англиянинг "Манчестер Юнайтед"и томонидан табрик постлари чоп этилди.
Аммо олдинроқ Роналду ўйнаган "Реал Мадрид" ижтимоий тармоқлардаги саҳифаларида ҳозирча табриклар жойлашмаган. Бироқ, кун охиригача ҳали кўп вақт бор.
Эслатиб ўтамиз, Роналду 2023 йил бошидан буён “Ан-Наср” сафида тўп тепмоқда.
